ал-Хьасан ал-Басрийс аьлла: «Бусалба стеган гIуллакхе хьажар, эзар ракаIат (суннат ламаз) дечул а дукха ма деза суна». لَأَنْ أَقْضِيَ لِمُسْلِمٍ حَاجَةً أَحَبُّ إِلَيَّ مِنْ أَنْ أُصَلِّيَ أَلْفَ رَكْعَةٍ Ибн Аби ад-Дуня «Къадáул-хьавáиж» 48.

Лукъманул-Хьакима шен кIанте аьлла: «Сан кIант! Тоба тIаьхьа ма тетталахь, валар цIаьххьана догIу хьуна». يَا بُنَيَّ لَا تُؤَخِّرِ التَّوْبَةَ، فَإِنَّ الْمَوْتَ يَأْتِي بَغْتَةً Ибнул-Жавзий — ат-Табсира, 34.

«Хьайна кериста стаг гича, хьо бусалба хиларна АллахIана хастам бе ахь. Хьайна Iеса стаг гича, хьо АллахIах кхоьруш хиларна Цунна хастам бе ахь. Хьайна ЖехIил стаг гича, хьайгахь Iилма хиларна АллахIана хастам бе ахь. Хьайна баланашца цхьаъ зуьйш гича, хьо маьрша-могуш хиларна АллахIана хастам бе ахь». Шайх Iáид ал-Къарний — Ла тахьзан, 412. […]

«Делах кхоьруш волу дикачу доьзалхочо еш йолу дика Iамалийн ме́л, цунна санна цуьнан дена-нанна а хуьлуш бу, цуьнан ме́лах хIумма а эша а ца деш. ХIунда аьлча, и доьзалхо царшимма къахьоьгуш кхиийна волун дела». Шайх Мухаммад Насуруддин ал-Албаний

«Массо хIуманехь а, Делаца йолу хьайн дог-ойла дика хилийталахь. АллахIаца вон дог-ойла хилар мунепикъийн куьцашха куц ду хьуна». «وَظَنَنْتُمْ ظَنَّ السَّوْءِ وَكُنْتُمْ قَوْمًا بُورًا» «…Вон ойланаш йир аша, хIаллакьхилла нах дара шу». Сурат ал-Фатхь, 12 аят.