button-2888 button-2888 button-2888 button-2888

Интернет лелочарна насихьат

Шен бала боцург лелор

Имам ал-Хьасан ал-Басрийс (АллахIа къинхетам бойла цунах), аьлла:

«Стага шен бала боцург лелош хилар, АллахIа и лай дIатесна хиларан билгало ю».

ФикъхIун-нафс, 221.

Iилманга вай хьашт хилар

Имам Ахьмад Ибн Хьанбала (АллахIа къинхетам бойла цунах) аьлла:

«Нахана Iилма бепигал а, хинал а алсам хьашт ду. ХIунда аьлча, Iилма массо а хенахь оьшу, ткъа бепиг а, хи а дийнахь цкъа я шозза бен ца оьшу».

ФикъхIун-нафс, 302.

ЖамаIат ламаз лардар

Сулайма́н ибн Хьамза ал-Макъдисийс (АллахIа къинхетам бойла цунах) аьлла:

«Шозза бен парз ламаз айса цхьалха дина дац ас. И ши ламаз айса дина аьлла хеташ а вац со (жамаIатца и шиъ цадар бахьана долуш)». Цо и олучу хенахь, дезткъе итт шо хилла цуьнан.

ФикъхIун-нафс, 109.

Бакъдолуш, ойла ян догIуш хIума ду иза!

Цхьаьна доттагIчо шен кхечу доттагIчуьнга хаьттина: «1000 сом алапа а оьцуш, шен цIахь болх бар гIоли ду, я шен цIенна 300 метр бен генахь йоцчу меттигехь 27 000 сом алапа а оьцуш болх бар гIоли ду?» — аьлла.

ДоттагIчо вела а велла жоп делла: «Шеко йоцуш, шен цIенна 300 метр бен генахь йоцчу меттигехь болх бар гIоли ду-кх» — аьлла.

ТIаккха хаттар дина волчу доттагIчо аьлла: «Иштта башхалла ю хьуна ахь чохь диначу ламазний, маьждигехь диначу ламазний юкъахь».

Бакъдолуш, ойла ян догIуш хIума ду иза!

Гечдар а, рицкъа а лоьхуш вуй хьо?!

ХIай дегI!

Имам Ибнул-Жавзийс (АллахIа къинхетам бойла цунах), аьлла:

«ХIай дегI! Цхьа кIеззиг кIадло хьо, Фирдавс ялсаманехь дуккха а садоIур ду ахь».

يا نفس اتعبي قليلاً، تستريحي في الفردوسِ كثيراً

ЛатIáифул-маIáриф, 304.

Къинан тешаш

«Къемат дийнахь ахь латийнчу къинна тешалла дийр ду АллахIа а, маликаша а, матто а, куьйгаша а, когаша а, хазаро а, бIаьрсино а, чкъуро а, жижиго а, даьIахкаша а, ахь и къа латочу хенахь хьешна долчу лаьтто а».

Хьайн мотт ларбе

Шайх Мухьаммад ибн Салихь ал-lусаймийнас (АллахIа къинхетам бойла цунах), аьлла: «Хьайн мотт ларбе. Бакъдолуш, ахь мел олург, тептар тIе дIаяздеш ду хьуна. Юха, къемат-дийнахь, хьуна хьалха дуьллур долуш а ду хьуна и». 

احفظ لسانك فإن الصحف سوف يُكتب فيها ‏كل ما تقول وسوف تنشر لك يوم القيامة

Тафсир жуз Iамма, 73.

 

Къонахчуьнан оьздангалла йохош долу хIуманаш | Анзор ал-АзхIарий