АллахIан Элчано (ﷺ) аьлла: «Муъма стаганна а, я муъма зудчунна а, я бусалба стаганна а, я бусалба зудчунна а цамгар кхетар ма яц, АллахIа цунна тIера (кегийра) къинош дIадохуш бен». Сохьихьут-таргIиби ват-тархIиб, 3425.

«Шен дог нахах хоьттинарг, церан неIарш шена чIаьгIна карийча я шен хьашт кхочуш дан церан ницкъ ца кхаьчча, сингаттаме хир ву. Амма, шен дог АллахIах хоьттинарг, синтеме хир ву, хIунда аьлча, Цуьнан неI цкъа а къовлуш яц я хьашташ кхочуш ца далуш И кIелвуьсуш а вац».