Имам Ахьмад Ибн Хьанбале хаьттина хилла: «ХIай Имам! Дегнаш хIун дича кIадло?». Имама жоп делла: «Юург-мерг хьанал хилча кIадло» — аьлла. Хьилятул-авлияъ, 9/182.

Ибнул-Жавзийс (АллахIа къинхетам бойла цунах) аьлла: «Варийлахь, да́зо́нах* ларлолахь! Бакъдолуш, иза иблисан уггаре а доккха эскар ду хьуна». Cайдул-ха́тIир, 179.

————
*Юха дийра дар иза-м — бохуш хIума дIатеттар.

Анас Ибн Малика (АллахI реза хуьлда цунна) дийцина: «АллахIан элча (ﷺ), берашка салам алуш тIехвелира царна» — аьлла.

Сахьихь Муслим, 2168.

Цхьа стаг IабдуллахI Ибн Мубаракан тIе а веана, шен кIанта аьлларг ца до шена бохуш арз деш хилла. ТIаккха Ибн Мубарака хаьттина цуьнга: «Цунна вон доIа* диний ахь?» — аьлла.

Стага аьлла: «ХIаъ, дина».

ТIаккха Ибн Мубарака аьлла: «Хьада дIавало, айхьа талхийна ахь иза».

*Вон доIа — иза дайша-наноша шайн доьзалхочунна дуьхкуш долу сардамаш ду. Масала: «Дала хIаллакьвойла хьо, маьрша ма лелийла хьо, са хуьленга ма волийла хьо», кхин а масне ду уьш, вайн къомана юкъахь матте а дирзина, къаьсттина дайша-наноша оьгIузбаханчахь олуш долу.