«Хьуна хаийла, хьайн бусалба вешин сакхташ ахь даржийча, хьан сакхташ даржошверг АллахIа хьуна а тIетосур вуйла, хьуна хьакъболу бекхам беш». Шайх ал-lусаймийн — Тафсир сурат ал-Хьужурат, 52.

Iумар ибн ал-ХаттIаба (АллахI реза хуьлда цунна) аьлла: «Нах буьйцуш ма лелалаш, уьш бийцар бала бу шуна. АллахI хьехаве аша, И хьехор къинхетам бу шуна». МавсуIа ибн Аби ад-Дуня, 7/137.

Сийлахь-Везачу АллахIа аьлла: وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ «Хьуна ма моттийла АллахI хууш вац зуламхоша лелориг. Бакъдолуш, бIаьргаш къаьрзан долу [къемат] де тIекхаччалц буьтуш бу Цо уьш». Сурат: ИбрахIим, 42 аят. Маймун Ибн МихIрана аьлла: «ХIара аят зулам хиллачунна синтембеш а, зуламхочунна кхерам тосуш а ду». […]

Суфъян ас-Саврийс (АллахIа къинхетам бойла цунах) аьлла: «Хьайна эхартар балхах цхьа болх коьрте багIахь цунна тIеверзалахь, и барехь сихо а елахь хьайний, цунний юккъе шайтIа далале». Хьилятул-авлияъ, 7/83.

АллахIан динна гIодеш воцург, АллахIера гIо кхачаре ма хьоьжийла. «Нагахь аш АллахIана (Цуьнан динна) гIо дахь, Цо шуна а дийр ду гIо». Къуръан 47/7. Шайх Iабдул-Iазийз ат-ТIарийфий