|
|
||
 |
«ШайтIанан лорах а ма лела» — бохучу АллахIан дешан маьIна деш Имам Къатáдата аьлла: «АллахIана Iеса хуьлуш мел деш долу хIума — иза шайтIанан лар ю». عَنْ قَتادَةَ عَنْ قَوْلِ اللَّهِ: {ولا تَتَّبِعُوا خُطُواتِ الشَّيْطانِ} قالَ: «كُلُّ مَعْصِيَةٍ لِلَّهِ فَهِيَ مِن خُطُواتِ الشَّيْطانِ». Тафсир Ибн Аби Хьáтим, 1508. Хьасанул-Басрийс (АллахIа къинхетам бойла цунах) аьлла: «Хьайн вешин къайле йийцар, ямартлонах ду». .«إنَّ من الخيانة أن تُحدِّث بسرِّ أخيك» ас-Самт, Ибн Аби ад-Дуня, 404. ❏ Абу Къилáбас (АллахI реза хуьлда цунна), аьлла: «Хьайн вешегара хьайна товш доцу хабар кхаьчча, цунна даггара бехказло лаха ахь. Хьайна цуьнан хьокъехь цхьа а бехказло ца караяхь, хьайн дагахь ала ахь: «сан вешин суна ца хууш цхьа бехказло хила мега»». Хьиляту ал-авлияъ, 2/285. ❏ IабдуллахI ибн Мубарака (АллахIа къинхетам бойла цунах) аьлла: «Бусалба стага шен вежаршна бехказло лоху, ткъа мунафикъ стага церан гIалаташ лоьху». Ада́бул-Iишрати ва зикрус-сухьбати вал-ухуввати, 56. ❏ Шайх Iабдул-Iазийз ат-ТIарийфис (АллахIа Iалашвойла иза) аьлла: «Стаг Iилмангахь сов мел волу а, шеца бакъо къуьйсуш духьал ваьллачунна алсам бехказло юьту цо. Ткъа Iилмангахь и кIезиг мел хуьлу а, бехказло а кIезиг юьту цо цунна». «Бусалба стагана кхечу бусалба стагах кхарда мегар дац и къен вара я цо къа латийнера аьлла, я кхечу муьлха хIуманна а». «فلا يحل لمؤمن أن يسخر من مؤمن لا لفقره ولا لذنبه ركبه ولا لغيره ذلك». Тафсирул-ТIабарий, 22/376. Aд-Даххьáка (АллахIа къинхетам бойла цунах) аьлла: «»Диканиг де, вониг ма де» — алар, Беркате а, Сийлахь а волчу АллахIа тIедехкинчу парзашах цхьа парз ду». «الأمر بالمعروف والنهي عن المنكر من فرائض الله تبارك وتعالى». Имам Ибнул-Жавзийс (АллахIа къинхетам бойла цунах), аьлла: «Хьо муьлхачу хьолехь ву хьажа. Нагахь санна, хьо вала а, коша вижа а кийча волчу хьолехь велахь, кхин дIа а цу хьолехь Iе хьо. Ткъа нагахь санна, вала а, коша верза а кийча воцчу хьолехь хьо велахь, тIаккха АллахIе тоба а дай, цаьршинга верза мегар долчу хьоле юхаверза». Буста́нул-ва́Iизи́н, 1/192. |
|
|
© 2008 - 2026 ИС - All Rights Reserved Powered by WordPress & Atahualpa |
||