Iумаран кIанта IабдуллахIа (АллахI реза хуьлда царшинна) дийцина, АллахIан элчано (ﷺ) элира аьлла: «Шух цхьамма хIума юучу хенахь, шен аьтту куьйга юийла, ткъа (муьлха а молуш йолу хIума) молучу хенахь, шен аьтту куьйга молийла. Бакъдолуш, шайтIано шен аьрру куьйга яа а юу, шен аьрру куьйга мала а молу». Муслим, 2020.

Анас ибн Малика (АллахI реза хуьлда цунна) дийцина, Пайхамара (ﷺ) элира аьлла: «Шайн могIанаш нисде, бакъдолуш могIанаш нисдар – ламаз дуьззина, нийса хиларан бахьанех ду». 📕 ал-Бухарий: 723, Муслим: 433.

Хьаки́йман йоIа Хавлас (АллахI реза хуьлда цунна) аьлла, АллахIан элчано (ﷺ) олуш хезира шена аьлла: «Цхьамма ша цхьанхьа воьссича “АIýзу би калимáтиллáхIит-тáммáти мин шарри мá халакъ” (Со ларло АллахIан кхачаме долчу дешнашца, Цо кхоьллиначу массо хIуманийн вонах) алахь, цу меттера и дIаваххалца цунна цхьанне а хIумано зе дийра дац». Муслим, 2708.

Абу ХIурайрас (АллахI реза хуьлда цунна) дийцина, АллахIан элчано (ﷺ) элира аьлла: «Декхар дIадала аьтто болуш (и) дIацалуш хьедар зулам ду…». ал-Бухарий, 2287.

Абу Дардаъах дийцина (АллахI реза хуьлда цунна), цо элира аьлла: «Пайхамарна тIе (ﷺ) цхьа стаг веара дог дакъаделла-кх шен аьлла, шен дог далхош. ТIаккха пайхамара (ﷺ) элира цуьнга: “Хьайн дог кIеда хила а, хьайн хьашташ кхочуш хила а лаьий хьуна?! (Лаахь) Боберах къа хета, цуьнан коьртах куьг а хьакха, хьайн даарха цунна юург а ло, […]