Яхья Ибн МуIáза (АллахIа къинхетам бойла цунах), аьлла:: ❒ «Адам делча цуьнан даьхнех (ахчанах) ши бала хуьлу цунна». Цуьнга хаьттина: «ХIун ши бала бу и шиъ?» ТIаккха МуIáза жоп делла: «Деригге даьхни дIа а доккху цуьнгара. Деригге даьхнех барт а хотту цуьнга». 📕 Сифатус-сафвати, 2/293.
|
|
||
 |
IабдуллахI Ибн МасIуда (АллахI реза хуьлда цунна) аьлла: ❒ «Хьайна ца хуург ца хаа алар — Iилма ду» 📕 Сахьих ал-Бухарий, 4774. Ахча дукха дара алий воккха ма велахь, нагахь и диканна а, Дела реза волче а хьовзош дацахь ❒ Абу Зарра (АллахI реза хуьлда цунна), аьлла: «Къемат-дийнахь ши дирхIам (сом) долучуьнга барт чIогIох хоттур бу, цхьа дирхIам долучуьнгачул». 📕 Аз-ЗухIд ли-Аби Давуд, 186. Суфъян Ибн Iуйайнас (АллахIа къинхетам бойла цунах), аьлла: ❒ «Хьекъал дерг – дика а, вон а девзарг вац. Хьекъал дерг – дика дерг шена гича, цунна тIаьхьавозуш а, ткъа вон дерг гича, цунна генаволуш верг ву». 📕 Хьилятул-авлияъ, 8/339. Хьайн майрачуьн дага тIе боьду некъ безахь -Цуьнан доттагI хила. -Цуьнан белхана сагатдеш хила. -Цо сагатдечу гIуллакхашна сагатдеш хила. -Цуьнан диканехь-вонехь цунна накъост хила. -Цуьнга тапъалий ладугIуш а, харц дерг ца дуьйцуш а хила хьо! «Стеган шен хIусам-ненах самукъа дера ма дац, цо шен ши бIаьрг кхечу зударшка дIахьéжочуьра саца баллалца». ✍ Шайх Мухьаммад Рóтиб ан-Нáбулсий. Хьекъалчо аьлла: «Нахалахь уггаре вон гIиллакх долуш верг — хьуна ша оьгIаз вахча хьан сийнна тIекхийдаш, хьан къайле яржош, хьоьх доцург дуьйцуш верг ву». ДIатесна, ца лелочу суннатех ду, буьйсанна сурат ал-Ихлас (Къулха) дешар. Пайхамара (ﷺ), аьлла: «Цхьана буьйсанна Къуръанан кхоалгIа дакъа ца дешалуш шух цхьаъ гIорасиз вуьсур варий?.. «Къул хIуваллохIу ахьад» Къуръанан кхоалгIа дакъа санна ду». 🔸Шайх Iабдул Iазийз ат-ТIарийфий […] Имам Ибнул-Къаййим ал-Жавзийс (АллахIа къинхетам бойла цунах), аьлла: ❏ «Шен баланаш, гIайгIанаш совдевлачо «Лá хьавла ва лá къуввата иллá биллáхI» алар совдоккхуьйла». МаьIна: «Ницкъ а, гIора а дац, АллахIехь бен». 📕 Зáдул-маIáд, 4/183. Имам Ибнул-Къаййим ал-Жавзийс (АллахIа къинхетам бойла цунах), аьлла: ❏ «ГIайгIанаш, баланаш, сингаттамаш шина бахьанаца хуьлу: Хьалхарниг — дуьне чIогIа дезарна а, цунна чIогIа сутар хиларна а. ШолгIаниг — дика Iамалш кIезиг ярна а, Далла муьтIахь хилар лагIдаларна а». 📕 Iуддатус-собирийн, 256. |
|
|
© 2008 - 2026 ИС - All Rights Reserved Powered by WordPress & Atahualpa |
||