Яхья Ибн МуIáзас (АллахIа къинхетам бойла цунах), аьлла: «Ма пекъар ву-кх Адаман воI! Къеллах санна жоьжахатин цIарах кхерахьара, ялсамани гIура ма вара иза».
|
|
||
 |
Имам ал-Хьасан ал-Басрийс (АллахIа къинхетам бойла цунах), аьлла: «Цхьаммо а ахчан сий деш (массо хIуманал) и даздина ма дац, АллахIа и сийсаз виний бен». КЕРЛА ШО (НОВЫЙ ГОД) ДАЗДАР БУСАЛБА НЕХАН IАДАТ ДАЦ. Сийлахь волчу АллахIа аьлла: «Харц тешалла ца деш берш…». Сурат ал-Фуркъан, аят 72. Цуьнан тафсир деш Ибн Касирас аьлла: Абу-Iáлияс, ат-ТIавусас, Ибн Сийрийнас, ад-Даххьакас, ар-РабиI Ибн Анасас уьш боцучара а цуьнан тафсир дина: «АллахIан лайша мушрик наха даздеш долчу деношкахь дакъа ца лоцу», — аьлла. […] Церан хIусамнаной хилла хьарам рицкъанах ларлуш Асхьабийн хIусамнаноша шайн цIийндайшка, уьш рицкъ лаха арабовлучу хенахь олуш хилла: «ХIай сан цIийнда! Вайн хIусаме хьарам рицкъ ма далахь. Тхоьга тахана дуьненчохь мацаллина сатохалур ду хьуна, амма, жоьжахати цIе лалур яц хьуна тхоьга». Абу Къилáбас (АллахI реза хуьлда цунна), аьлла: «Хьайн вешегара хьайна товш доцу хабар кхаьчча, цунна даггара бехказло лаха ахь. Хьайна цуьнан хьокъехь цхьа а бехказло ца караяхь, хьайн дагахь ала ахь: «сан вешин суна ца хууш цхьа бехказло хила мега»». Хьиляту ал-авлияъ, 2/285. […] Шайхул Ислам ибн Таймийяс (АллахIа къинхетам бойла цунах), аьлла: «Бусалба нехан цIена дегнаш, дика доIанаш — шайна тIехь толам баккхалун боцу эскар а, эшалун воцу тIемало а ву». МажмуIул фатава, 28/644. Ибн Iаббаса (АллахI реза хуьлда цунна) аьлла: «ДегIан лаамашна тIаьхьа бозуш болучаьрца охьа ма хийша, бакъдолуш, цаьрца охьа хийшар бахьана долуш дог цомгуш хуьлу». Имам Ибнул Къаййим ал-Жавзийс(АллахIа къинхетам бойла цунах), аьлла: «Къиноша цхьацца доккхуш лайгара ниIматаш дIадоху, уьш деригге дIадевла довлалца». ТIарийкъул-хIижратайн, 542. ЖехIил стаг вевзура волуш ялх хIума ду: -Цхьа бахьана а доцуш оьгIуз вахар. -Пайдабоцу къамел дар. -Дала ца дезаче совгIат далар. -Къайле яржор. -Массарех а тешар. -МостагIчух доттагI схьакъасто ца хаар. Хьилйатул авлияъ 10/233. Веллачо ша юха дуьненчу верзийча «сагIа далар» хIунда хоржура дара те? Сийлахь-Везачу АллахIа ма-аллара: «…Сан Дела! КIеззиг ханна тIаьхьатеттина велара Ахь со, сагIанаш лур ма дара ас…». Веллачо ца аьлла: «Iумрат дийра дара-кх ас, ламаз дийра дара-кх ас, я марха кхобур дара-кх ас…». Iеламнаха аьлла: «Веллачо сагIа хьаха ма ца дина, ша веллачул тIаьхьа сагIа […] |
|
|
© 2008 - 2025 ИС - All Rights Reserved Powered by WordPress & Atahualpa |
||