Ибн Iусаймийнас (АллахIа къинхетам бойла цунах), аьлла: «Суннат ду, адамо догIа доладелча шен дегIан муьлхха а меже аракховдаяр, цунах догIа кхетийтархьама». Ал-Фатáвá, 16/363.
|
|
||
 |
Хаттар: Iибадатан марзо хIунда ца хаало вайна? Жоп: Вайна Iибадатан чам хаабала новкъарло еш дерг, къинош дукха хилар ду. Цомгушчунна моз къахьадаларе терра. Мазехь цхьа сакхат хиларна ма даций иза, амма цомгушчуьнан туй кхаьхьа хиларна ду. Шайх Мухьаммад ал-Мунажжидас — (АллахIа Iалашвойла иза). Имам Ибнул Къаййим ал-Жавзийс (АллахIа къинхетам бойла цунах), аьлла: «Ислам дин дендархьама Iилма Iамийнарг сиддикъийншах (бакълуьйчарах) ву. Ткъа Iилма Iамочуьнан дарж пайхамарийн даржана тIаьххье догIуш ду». Мифтáхьу дáрис-саIáдахI, 1/121. Шайх ибн Базас (АллахIа къинхетам бойла цунах),О аьлла: «Эшаршка ладегIар хьарам ду, мегаш дац. Дегнаш цомгуш дечу а, уьш дакъочу а, Дела хьехорах а, ламазах а юхаветтаран бахьанех цхьа бахьана ду иза». МажмуI ал-Фатава, 3/423. Хьайн дай-наний хьайна хьестадала доьлча, хьо оьгIуза вахарна кхоьруш дешнаш хержа доьлча, хьуна хаалахь хьо вон доьзалхо вуйла. «Къемат дийнахь вайн дегIа тIехь мел йолу меже йистхира ю, ткъа вайн меттанаш дIасовцур ду». Мухьаммад Хьамид «Тахана (къемат дийнахь) Оха тухур ду мухIар церан батош тIе, Тхоьга дуьйцур ду церан куьйгаша, тешалла дийр ду церан когаша, цара лелош хиллачуьнца». Сурат «Йáсийн», 65 аят. Суфян ас-Саврис (АллахIа къинхетам бойла цунах), шен накъосташка аьлла: «Аша деш долу къамел паччахьана тIе хьура долуш шуна юкъахь цхьаъ хилча, и (паччахь) оьгIуз вохуьйтун долу къамел дийра дарий аша?!». Цара аьлла: «ХIан-хIа, дийра дацар дера! Тхох мила ваьхьира вара и къамел дан?». ТIаккха Суфян ас-Саврис аьлла: «Шуна хаийла аша деш долу къамел малийкаша шун […] Ал-Фудайл ибн Iийадас (АллахI реза хуьлда цунна) аьлла: «ВаллахIи, бакъо а йоцуш жIаьлина а, я хьакхина а новкъарло ян мегаш ма дац хьуна, ткъа бусалба стагана новкъарло муха йийра ю ахь?!». Шайн берашна Iамаде: «хIара хьанал ду, хIара хьарам ду. ХIокхо АллахI реза во, хIокхо АллахI оьгIуз вохуьйту», бохуш. Деккъа «эхь ду» бохуш ма Iамаде. Мухле а, шайна тIе хьоьжуш АллахI вуй хууш долу, къайлах а, гучахь а Цунах кхоьруш долу чкъор кхиорхьама, нахах кхоьруш долу чкъор а ца кхиош. Еари дийнахь (Четвергехь) марха кхобуш ву ша аьлла, тахана марха кхаба мегар дац, хIунда аьлча, хIара де (15.09.2016) гIурбан деношха ду. Ткъа хьадисехь деана ду: «И (гIурбана) денош юу а, молу а денош ду», аьлла. |
|
|
© 2008 - 2025 ИС - All Rights Reserved Powered by WordPress & Atahualpa |
||