АллахIа къинхетам бойла, вайх лаьцна дика ойла йолучунах.
АллахIа гечдойла, вайх лаьцна доцург дийциначунна.
АллахIа ларвойла, вайгахь цхьа гIалат гича, и гIар а ца доккхуш хьулдинарг.

Сийлахь-Везачу АллахIа аьлла:

فَاصْبِرْ ۖ إِنَّ الْعَاقِبَةَ لِلْمُتَّقِينَ

«Собаре хила хьо, дика чаккхе Делах кхоьруш болучарна кечйина ю» Сурат «ХIуд», 49 аят.

Имам Ибнул-Жавзийс (АллахIа къинхетам бойла цунах), аьлла:

«Дикачу чаккхенан марзо дагаяийтиначунна, собаран къахьо йицлур ю». ал-МудхIиш, 188.

Iа́ишата (АллахI реза хуьлда цунна) дийцина, АллахIан элчано (ﷺ) элира аьлла: «(Нахана) дика хIума Iамош волчунна, мел долу хIума гечдар доьхуш ду, хIорд чуьра киташ цхьаьна».

📕 Сахьихьул-джамиI, 5883 .

АллахIан элчано (АллахIера къинхетам а, маршо а хуьлда цунна) аьлла: «Бакъдолуш, АллахI а, Цуьнан маликаш а, шайн бенаш чохь долу зингаташ цхьаьна, хIорд чохь долу кит чIерий цхьаьна салават дуьллуш ду, нахана дика хIума Iамош волучунна».

📕 ат-Тирмизий, 2685.

Имам ЗухIрийс (АллахIа къинхетам бойла цунах) ша новкъа ваьлла воьдуш волуш Iашураъ дийнахь марха лаьцна хилла. ТIаккха цуьнга хаьттина: «И марха хIунда лаьцна ахь, Рамадан баттахь хьо новкъахь волуш ма ца кхобу ахь Рамадан беттан марха?!»

ТIаккха ЗухIрийс аьлла: «Рамадан беттан марханаш (хьо новкъахь нислахь) кхечу деношкахь кхаба йиш йолуш ду, амма Iашураъ де тIехдаьлчул тIаьхьа цуьнан хан дIайолуш ю».

Сияру аIлáми ан-Нубалáъ, 5/342.