Имам ал-АвзáIийс (АллахIа къинхетам бойла цунах) аьлла:
«Вота а, эшарийн гIирсаш а болчу тойне ма гIолахь».
Áдáбуз-зифáф, 165.
|
|
||
 |
«Къинош летошверг массо а ниIматашца зовкх хьоьгуш велахь а, цуьнан дагчохь даимна цхьалла а, сийсазалла а, дог Iийжош болу дагахьбаллам а хуьлу». Имам Ибнул-Къаййим — ал-Жавáбул-кáфий, 120. «Нагахь санна хьан дог ахь летийначу къиношна сагатдеш дацахь, хаалахь хьан дог цомгуш дуй. ХIунда аьлча, дийна дог цомгуш а хилла Iан реза хуьлуш дац, ткъа деган цамгар — иза къинош ду». Шайх Ибн Iусаймийн — Тафсир жуз Iамма, 250. «فَٱصۡبِرۡ إِنَّ ٱلۡعَٰقِبَةَ لِلۡمُتَّقِينَ». «…Собаре хила хьо, бакъдолуш дика чаккхе Делах кхоьручарна кечйина ю». Сурат ХIýд, 49 аят. «И дика чаккхе дагаяийтинчунна, ша собаре хиларан къахьалла йицлур ю». Ибн ал-Жавзий «وَلِلهِ خَزائِنُ السَّماواتِ وَالأَرضِ». «…АллахIан (долахь) ю стигланийн а, лаьттан а хазнаш…». Сурат ал-Мунафикъỳн, 7 аят. «Iилман а, нийсачу новкъа ваккхаран а, аьтто баран а, рицкъан а, могушаллин а, ирсан а хазнаш АллахIан долахь ю. Цундела, Цуьнга бен цхьанге а ма деха!». Цхьана стага ВахIб Ибн МунаббихIе аьлла: «Хьенех вара хьуна луьйш». ТIаккха ВахIба аьлла цуьнга: «ШайтIана хьо воцург кхин цхьа а геланча ца карийра и къамел схьадан?!». Цхьана стага Хáлид Ибн Валийд волче а веана аьлла: «Цхьа хьенех вара хьуна луьйш». ТIаккха Хáлид Ибн Валийда аьлла: «Иза цуьнан шен тептар ду, шена луучуьнца дIадузхьара цо и». Имам ан-Нававийс (АллахIа къинхетам бойла цунах) аьлла: «Хаалахь, дийнахь Дела хьехо уггаре а еза, сийлахь хан — Iуьйра ламаз динчул тIаьхьа ерг юйла». 📔 ал-Азкáр, 155. |
|
|
© 2008 - 2025 ИСЛАМАНСЕРЛО - All Rights Reserved Powered by WordPress & Atahualpa |
||