Хастам бу АллахIана – доллучунна ницкъ кхочуш, Паччахь Ша волчу, Воккха а, Нуьцкъала а волчу, стигланаш а, латта а, царна юккъехь дерг а Кхоьллина волчу, цхьа а гIелвалар а, я новкъарло хилар а доцуш, Шен лайга КъурIан чохь а, Фуркъан чохь а доссийна волчу:

«Шегахь шеко йоцу къематде, билггала, догIур долуш ду, цул тIаьхьа АллахIа денбийр бу кешнашкахь берш» («ал-Хьадж»: 6-7).

Аса тоьшалла до: дела цахиларца, АллахI воцург. Ша цхьаъ ву И, Шеца накъост а воцуш, Шен дош бакъ долуш волу. Зурманна чу хIуп олучу дийнахь Цуьнан хир ду паччахьалла.

Юха а тоьшалла до аса: Мухьаммад Цуьнан лай а, Цуьнан элча а хиларца. Далла муьтIахь хиларехь нахах уггаре ша нисвелла хилла волу - шега омра динарг дарца а, цамагийнарг дитарца а. АллахIа къинхетам бойла цуьнах а, цуьнан цIийнан охIланах а, цуьнан асхьабех а, диканца царна тIаьхьа мел баьзначарех а нах дIагулбен де а, къематде а кхаччалц! Маршо а хуьлда царна!