Юсуф пайхамар набахти чохь волуш цуьнга аьлла: «Хьо дика дечу нахах го тхуна».

Иштта, иза Мисар пачхьалкхехь хазнашна тIехIоттийна волчу хенахь а аьлла цуьнга: «Хьо дика дечу нахах го тхуна».

ЦIена кхоллам хьелаш хийцадаларха хийца ца ло!

— Дийна шарахь марха кхаьбнарг санна хила лаьий хьуна?
— Лаьа дера, и муха хир ду ткъа?!
— Ахь Рамадан бутт а, цул тIаьхьа богIу Шаввал беттан ялх де а кхабахь, дерриг шарахь марха кхаьбнарг санна хуьлу-кх хьо, хIокху хьесапца:

30 марха × цхьа дика 10 дика яздо = 300 де. 6 марха × цхьа дика 10 дика яздо = 60 де.

Денош вовшахтоьхча 360 де хуьлу, ткъа иза цхьана шеран денойн барам бу.

Пайхамара (салаллахIу IалайхIи ва саллам), аьлла: «Рамадан бутт кхаьбна, цул тIаьхьа Шаввал беттан ялх марха кхаьбнарг – (дийна) шарахь марханаш кхаьбнарг санна ву». Муслим.

Имам Ибн Ражабас (АллахIа къинхетам бойла цунах) аьлла:

— Хlай тоба ца деш коьртара месаш къаж йалийтинарг!

— Нийсон тlехь нисвала ойла йоцуш, я деш тоба доцуш вехаш верг!

— Хьуна хаийла, ахь шайтIанна хазхетар диний, тlех сов Къинхетаме волу АллахI оьгIуз вахийтний!

Хьайх лаьцна хьан вон ойла хиларо а, хьан дукха къинош хиларо а хьуна новкъарло ма йойла хьайн Деле деха. АллахIа иблисан доIанна а жоп ма делла цо даьхначу хенахь: «Сан Дела, къематде тIе даллалца дитахь со» — аьлла. Фатхьул-бáрий 11/168.