button-2888 button-2888 button-2888 button-2888

Абу IабдуллахI: Ламаз — Ислам динехь коьрта Iибадат ду 6-гIа дакъа (12.05.2017).

Ламаз — Ислам динехь коьрта Iибадат ду 6-гIа дакъа (Рузбан хьехам, 12.05.2017) — скачать

Ларлуш хилалаш!

Шайх аш-ШанкъийтIис (АллахIа къинхетам бойла цунах), бах:

«Хьо делкъа ламазе воьдуш хьан хьаж тIера долуш долу хьацар, терхьа ламазашкахь хьан бIаьргара долуш долу тIадамелла а дезох ду хьуна. ХIунда аьлча, хьалхарниг – парз ду, ткъа шолгIаниг – суннат ду. Мархийн баттахь делкъа а, малбуза а ламазаш ца деш вижина а Iуьллуш, юха терхьа а, Iуьйкъа а ламазашка оьхуш хьайна гуттура а хало яр – харцо ю. Иза, вайна тIе хIиттиначу яккхийн харцонех цхьа харцо ю. Цхьа парз ламаз – берриг мархийн баттахь деш долчу суннат (терхьа) ламазелла а гIолехь, тоьлуш ду хьуна!».

АллахIу Акбар! Тидаме хилалаш! Ларлуш хилалаш!

Суннатах таслахь, декъал хира ву хьо

Имам Ибнул Къаййим ал-Жавзийс (АллахIа къинхетам бойла цунах), аьлла: «Суннатан охIлуно нехан къамелаш Iаддуьту, суннатан дуьхьа. Ткъа бидIат лелочара суннат Iаддуьту, нехан къамелашан дуьхьа». ас-СавáIикъ, 4/1603.

Абу IабдуллахI: Ламаз — Ислам динехь коьрта Iибадат ду 5-гIа дакъа (05.05.2017).

Ламаз — Ислам динехь коьрта Iибадат ду 5-гIа дакъа (Рузбан хьехам, 05.05.2017) — скачать

РАМАДАН БУТТ

Хlай бусалба нах! Баккъалла а, шу сийлахь, беркатечу батта чохь ду шуна, Рамадан бутт шех олуш болу. Шена чохь мархнаш кхобуш, буьйсанна ламазаш деш, Къуръан доьшуш, жоьжахатих лайш хьалхабохуш, къиношна гечдеш бутт бу иза. Шена чохь сагlанаш луш, диканаш совдоху бутт бу иза. Цу батта чохь ялсаманин неlарш дIайоьллу, дечу дикан ял совйоккху, йийлиначу ледарлонашна гечдо. Шена чохь доlанашна жоп луш, ялсаманин охIлу даржанашкахь совбоху бутт бу иза. Цу батта чохь АллахI Шен дикнаш совдахарца комаьрша хуьлу. Шен гергара болчу лайшна совгIаташ шортта до АллахIа. АллахIа хIара бутт кхабар коьрта парзашха цхьа парз а дина тIе диллина вайна.

[Фадáилу шахlри Рамадан].

ИбрахIим: Веза хьаша тIелаца кийча вуй хьо?!

Сан хьоме ваша!

Сан хьоме ваша!

Бертте беана тIехIоьтти вайна мархийн бутт.

И Рамадан бутт бу и, хийлаза АллахIах кхоьруш болучара шега сатийсина болу.

И Рамадан бутт бу и, хийлаза дикачу нехан синоша шега сатийсина болу.

Дерриг дика а, беркат а шена чохь долу цу батте дегнаша са муха тосур дацара?!

Шена чохь шортта гечдар а, къинхетам а болу цу батте дегнаша са муха гатдийра дацара?!

Марша бохийла хьо мархийн бутт!

Тахана, я кхана маьркIиж молла ма-кхайкхинехь шайтIанашна буржулш тухур ду, ялсаманийн неIарш дIайоьллур ю.

Ткъа иблиса, шена тIаьхьа телеканалашкахь даггара болх беш нах буьтур бу. Цундела, ларлолахь царах.

Телевизорх дIахада, хьо ялсаманина гергавуьгун долчунга хьожур вацахь.
Рамадан баттахь пайде ерзае хьайн хан. Цхьа кIеззиг денош дIалилхича вайх къаьстар бу и сийлахь бутт.

ЧIогIа ирс долуш ву-кх, кху деношха пайда эцнарг.
АллахIа къобул йойла вайгара дика Iамалш.

Абу IабдуллахI: Ламаз — Ислам динехь коьрта Iибадат ду 4-гIа дакъа (28.04.2017).

Ламаз — Ислам динехь коьрта Iибадат ду 4-гIа дакъа (Рузбан хьехам, 28.04.2017) — скачать

Ахьмад Хьамза: Вай дуьнен тIе хIунда дахкийтина