Ибнул-Къаййима (АллахI реза хуьлда цунна), аьлла:

❏ «Уггаре атта меттахъхьелуш йолу меже иза мотт бу, ткъа и (мотт) бу лайна (адамана) уггаре а доккха зен деш берг».

📕  ал-Жавáбул-кáфий, 281.

Имам Ибнул-Къаййим ал-Жавзийс (АллахIа къинхетам бойла цунах), аьлла:

❏ Дог АллахI хьехорах гIел мел ло а, деган дакъадалар а чIагIло. Ткъа АллахI хьахийча деган дакъадалар даша а деший дIадолу, цIергахь даш лала а лаьлла дIа ма-даллара.

📕 ал-Вáбилус-сайб, 146.

Шайх Iалий ат-ТIантIавийс (АллахIа къинхетам бойла цунах) боху: «Сайн дахаран юьххьехь сайн деца-ненаца Iаш вара со. Цу хенахь царах къаьстича я уьш боцуш со ваха а лур вац аьлла хетара суна. Цул тIаьхьа, сан да-нана дIаделира, ткъа со сайн вежаршца Iийра. ТIаккха, царах къаьстича а со ваха а лур вац аьлла хеташ вара со, амма уьш зударий а балийна шайн-шайн доьзалашка бирзира. Ас а ялийра зуда, йоьIарий а, кIентий а хилира сан. Царах къаьстина Iалур а вац аьлла хетара суна, амма, цара а шайн доьзалш а болийна хIораммо а шен шен некъ лецира.

ТIаккха кхийтира со, адамаца цуьнан Дела воцург цхьа а вуьсуш ца хилар!

Еригге а зIенаш дIахеда, Iаламийн Делаца йолу зIе йоцург».