Ал-Хьасан ал-Басрийс (АллахIа къинхетам бойла цунах), аьлла:«Вонан кхоъ бух бу, ткъа цуьнан дакъош ялх ду. Вонан баххаш иштта ду:ХьагI а,Сутаралла а,Дуьне дезар а. Ткъа цуьнан ялх дакъа иштта ду:Наб езар,Вуззалца хIума яар дезар,ПаргIато езар,Коьртехь хилар дезар,Наха ша хестор дезар,Дозалла дезар». Ал-Iикъдул-фарийд, 2/151. […]

Мáлик Ибн Дийнáра (АллахIа къинхетам бойла цунах), аьлла: «Адамана хьарам долу цхьа дирхIам (сом) Iаддитар гIоли ма ду, бIе эзар дирхIам сагIина лучул». ЖавáхIирул-Iилмми, 5/1125.

Имам ан-Нававийс (АллахIа къинхетам бойла цунах), аьлла:«Шен дена-нанна дика дан луучо, цаьршинна тIера сагIа доккхийла. Бакъдолуш, сагIа велла чунна дIа а кхочу, цунах цунна пайда а хуьлу, цу тIехь Iеламнахана юкъахь къовсам а бац». Шархь сахьихь Муслим, 1/89.

IабдуллахI Ибн Мубараке аьлла хилла: «Хьоьга цхьамма хьан дахарах цхьа де бен ца дисна хьуна аьлча, хIун дийра дара ахь?». ТIаккха цо аьлла: «Нахана Iилма хьоьхур дара ас». ал-Мадхал лил-БайхIакъий, 370.

Абу Давуда (АллахIа къинхетам бойла цунах), аьлла: «Со Курз ал-Хьарисий волче ваханчу хенахь воьлхуш карийра суна иза. Ас элира цуьнга: «Хьо стенна воьлхуш ву?». Цо элира: «Сийсара (айса Iадатехь доьшуш хилла долу) Къуръан тIера дакъа ца дешна ас. Ткъа и цадешар бахьана, ас латийна къа бен ма ца хета суна»». Хьилятул-авлияъ, 5/79. […]